|
الكاتب/ Administrator
|
|
Tuesday, 30 October 2007 |
|
بقلم : طفشان 
مش عنده حلم يكون بطل ..
مش عنده حلم يكون وزير ...
مش عنده حلم يكون غنى ..
و لا يبقى له منصب كبير ..
كان حلمه بس انه يعيش
من غير ما حد يظلمه
و ان قال حرام يبهدله
و ان علّى صوته يقتله
كان حلم سهل
ناعم حرير ..
بايّن حلمه كان كثير
مش عنده حلم يكون بطل ..
مش عنده حلم يكون وزير ...
مش عنده حلم يكون غنى ..
و لا يبقى له منصب كبير ..
مش هو بس ..
ده في كثير وياه كمان
فيه ناس بتحلم
برضو ببرالامان
في وسط خوف
داير ألوف
تحلم تشوف
الحق
لسه بيتسمع و بيتقضى ..
عند الامير ..
و ده حلم برضو كان كثير
مش عنده حلم يكون بطل ..
مش عنده حلم يكون وزير ...
مش عنده حلم يكون غنى ..
و لا يبقى له منصب كبير ..
|
|
آخر تحديث ( Tuesday, 30 October 2007 )
|
