|
الكاتب/ Administrator
|
|
Saturday, 17 November 2007 |
بقلم:المصرى أفندى
(1)
(اول كلامى بقضى الليل وانا صاحى ...... مراكب الهم ترسى ليلاتى فى جراحى)
الأوله اه ،، والتانيه اه ،، والتالته اه
الأوله
الشمس لبست يا وطن
توب الخجل
والتانيه
والأرض قعدت عل البساط
تغزل كفن
والتالته
انت يا وطن ...........فينك؟
.................................................. ...........................
(2)
الوطن اسم مخنوق الليلادى
مختلط دمعه بأهاتى
هى نسمه وعابره فوق فؤادى
انكره؟
ارفض عبيره ؟
أدعى ان الغباء مش راح يزيله؟
ابقى جاحد ؟
للغباوه شكل واحد
للغباوه رمز واحد
رمزها قلبى الصغير
لما اشوف النسمه تتحول سراب
هعمل نعامه واخبى راسى فى التراب
واذكرونى ..................
واوعوا ف عيونكم تسجنونى
الكل يضبط ساعاته.......يلبس سواده......يعلن حداده
الوطن هيبقى ماضى ...... وانا عن نفسى مش راضى
|
|
آخر تحديث ( Saturday, 17 November 2007 )
|
